Serokê Weqfa Evîndarên Pêxember Beşîr Şîmşek derheqê bernameyên “Mewlida Nebî” de daxuyanî da û got ku ew ji bona ku Pêxemberê me (selat û selam li ser wî be) bê fêhmkirin û sinneta wî bê jîyandin li çar alîyê welat ew ê bernameyan li dar bixin.

“Ewê bi sedhezaran însan Rêberê Cîhadê Hz. Muhammed nas bike”

Şîmşek destnîşan kir ku ew ê bi van beryameyan meydanan bi hezkirina Muhammedî tijî bibin, ew ê xelkê ku evîndarê Pêxember e bi tekbîr û selewetan erd û asîmanê bilerizînin, “Ewê bi sedhezaran însan Rêberê Cîhadê Hz. Muhammed (selat û selam li ser wî be) nas bike. Di çarçoveya bernameyên Mewlida Nebî de şîara me ya vê salê ‘Rêberê Cîhadê Hz. Muhammed’ hatîye diyarkirin.”

“Însanîyet ji edalet, azadî, aştî û hizûrê re birçîmaye û di nav lêgerînekî mezin de ye”

Şîmşek diyar kir ku “Şîara me Cîhad e” û dûre weha got, “Çîmkî alema Îslamê, ummeta Îslamê û xelkên dinê yên cîhanê ji însafê despot û hêzên zaliman re mehkûm mane. Însanîyet ji edalet, azadî, aştî û hizûrê re birçîmaye û di nav lêgerînekî mezin de ye. Çavê mirovên ku bêparastin in, bêxwedîne, çavên pîrekên mezlum û zarokan li hêvîya xelaskarekî ye, dilê wan di nav hêvîya xelasîyê de davêje.”

“Encax rêbertîya Hezretî Muhammed dikare ji dinyayê re edalet û aştîyê bîne”

Şîmşek bal kişand ku bêguman ev xelasker jî Hezretî Muhammed (selat û selam li ser wî be) e, “Hemû kes mecbûre ku teslîmê rêbertîya Wî bibe. Çîmkî rêya wî rêya berxwedan û qîyamkirina ji zilmê re bû. Rêya wî rêya hakimkirina edalet û heqîyê bû. Rêyekî tenê heye ku heq û mafên mezluman û bindestan bide wan û wan bighêjîne edalet û azadîyê, ew rê jî encax rêya Pêxember e. Encax rêbertîya Hezretî Muhammed (selat û selam li ser wî be) dikare ji dinyayê re edalet û aştîyê bîne, encax ew dikare heq û heqîqetê bilind bike.”

“Ew ê li Êlih, Wan, Diyarbekir û Stenbolê berna bêne tertîpkirin”

Şîmşek hemû xelkê dawetî bernameyên ku lidarbixin kir û derheqê cîh û dîroka bernameyan de agahîyan da:

“Cîh û dîrokên bernameyên ku em ê lidarbixin hatine plankirin: 27ê Nîsanê roja Şemîyê li Edeneyê, 21ê Nîsanê roja Yekşemê li Êlih û Wanê, 28ê Nîsanê roja Yekşemê li Dîyarbekirê û 5ê Gulanê roja Yekşemê li Stenbolê mîtîng bêne lidarxistin. Em hemû Evîndarên Pêxemberan, hemû xûşk û birayên xwe yên ku bi sinneta Wî re girêdayî ne, hemû xelkê xwe bi zilamî, pîrekî, ciwanî, îxtîyarî û zarokî dawetî meydanan dikin.” (ÎLKHA)