Komelên alîkariyên yên sivîl û îslamî, di navbera feqîr û zengînan de dibin pira xêrê. Nexasim di her sê mehên mibarek de alîkariyên van komelan, li mal û kesên feqîr û mixtac zêdetir dibin.

Komela Rahmet Elî Gida Bankasiya Wanê, di serê vê mehê de dest bi belavkirina alîkariyên xwe kir. Xizmetkarên komelê li gorî tesbîtkirinan her roj alîkariyan gihandin edresan. Ekîbên alîkariyê hem alîkariyan digihînin feqîran, hem formê wan nû dikin, hem jî bi feqîran re sohbet dikin.

Li Qosera navçeya Mêrdînê jî, komela Rahmet Gida Bankasiyê di meha gulanê de, alîkariya 173 malbatan kirin. Di nav wan de multeciyên Sûriyê jî hene. Serekê komelê Mehmet Şîrîn Oz di heqê alîkariyan de, ji ajansa Îlkeyê re xeber da. Oz di dewamiya xeberdana xwe de wiha got “Rebbê alemê, xêr û alîkarî û destekên maddî manewî yên xêrxwaz û welatiyan û xizmetkarên komelê ku di tesbît û belavkirinan de xebitîne qebûl bike û ecra wan zêde bike.” BANGAHEQ