Serekê giştî yê Eğîtîm Bîr Sen û Memûr Senê Ehmed Gundoğdû îfade kir ku, wê 12 milyon û 300 hezar îmzeyên komkirinê, di nava vê hefteyê de teslîmî serekwezîrtiyê bikin. Her weha beyan kir ku, rêziknameya ku sernixumandinê di qamûyê de yesax dike û ji dewra modela derbeya 1982an ve maye, ev serê 30 sal e ku, bi deh hezaran însan mexdûr û perîşan kirine.

Gundoğdu wiha got “Bi derbeya postmoderna 28ê Sibatê, yesax qat bi qat zêde bûne. Heta di salvegera vê derbeyê de, yesaxî xwe nîşan didin. Hatiye dewra ku em bêjin “Êdî bes e ku we ew qas li millet da kişandin. Rahêjin rêziknama xwe û herin.” Em ji hikûmetê dixwazin ku bala xwe bidin van îmzeyan, dewletên Ewrûpa yên ku guhdidin heq û azadiyên însanan ji xwe re bikin mîsal û îmaja dewleta ku li xelkê xwe zulmê dike bidawî bikin.” bangaheq