Li gor agahiyên serokatiya AFADê, heta niha zêdetirî 152 hezar multeciyên Sûriyê li Tirkiyê ne. Ji bo wan 13 konbajar, merkezeke demkî û konteynirbajarek hatiye avakirin. Li Herrana Rihayê û li Nîzîpa Intabê, ji bo 20 hezar multeciyan, xebatên avakirina konteynirbajarê tên kirin.

Feqet rewşa multeciyan ne ewqas xweş e. Lewra bi serma zivistanê, multecî perîşan in. Ev çend car e ku agir bi kon û çadiran dikeve. Gelek kes birîndar dibin. Çendakî berê 5 zarokên multeciyan wefat kiribûn. Niha jî li merkeza multeciyan ya li Akçakaleyê, agir bi konekê ket. Şewat nîvê şevê qewimî. Bi wezîfedaran û bi ekîbên îtfaiyê, agir hat vemirandin. Di hadîseyê de 3 zarok û 3 kesên mezin giran birîndar bûn. Wan birin nexweşxanê. Ji wan zarokekî 5 salî wefat kir. Brîndar rakirin nexweşxana Rihayê. Rewşa wan ğeddar e.

Bangaheq