Berdevkê HAMASê Fevzî Berhum ji ber minasebeta  ‘Roja Cîhanê ya Qudsê’ peyamek weşand. Di peyama ku hat weşandin de hat diyarkirin ummeta Îslamê Qudsê ji bîr nekiriye.

Berhum di berdewama peyama xwe de diyar kir “Roja Cîhanê ya Qudsê  teyîda cihê Quds û Filistînê ya di wijdan û qelba ummetê de ye. Digel temamê komployên ku hatin kirin û leystikên ku hatin leystin  ummeta Îslamê Qudsê ji bîr nekir û dê nede jibîrkirin.Azadkirina Qudsê wezîfeya temamê Mislimanan e.”

Berhum di berdewama peyama xwe de bang li Mislimanan kir da ku piştgiriyê bidin xelkê Filistînê yê ku li ber xwe dide û wiha got: “ HAMAS û Filistîn dê bedela wê çi dibe bila bibe ferq nake ew ê dev ji berxwedanê bernede.”(ÎLKHA)