Li gorî daxuyaniyek ji Wezareta Tenduristiyê ya li Xezzeyê, hejmara şehîdên di êrîşên ku ji aliyê hêzên îşxalker ve li dijî Xezzeyê ji 7ê Cotmeha 2023an vir ve hatine kirin de gihîştiye 73 hezar û 919 kesan û hejmara birîndaran jî gihîştiye 174 hezar û 977 kesan.

Li gorî daxuyaniyê, di 24 saetên dawî de 5 şehîd û 25 birîndar bo nexweşxaneyên li Xezzeyê hatine veguhestin. Çar ji şehîdan di êrîşên dawî de, yek jî ji ber birînên berê canê xwe ji dest da.

Li gorî raporê, nexweşxaneyên li Xezzeyê ji ber êrîşan, kêmbûna sotemeniyê û pêdiviyên tenduristî di şert û mercên dijwar de ji bo temînkirina xizmetguzariyê zehmetiyan dikişînin, û gelek birîndar nikarin bigihîjin dermankirinê.

Ji ber ku hejmara qurbaniyan li Xezzeyê ji ber êrîşên hêzên îşxalker zêde dibe, rêxistinên tenduristiyê di dermankirina birîndaran û dabînkirina xizmetên tenduristî yên acîl de bi zehmetiyên cîddî re rû bi rû dimînin. (ÎLKHA)