Hikûmeta Tirkiye û siyonît Îsraîl, di pey deriyan de hevdîtinan pêk tînin. Hevdîtina wan êdî ne veşartî ye. Sefîrê Tirkiyê yê Kanandayê Tûncay Babali jî, piştî konferansekê li ser pirsa qezetevanan, vê hevdîtinê tesdîq kir. Tûncay Babali di xeberdana xwe beyan kir ku, çend caran her dû hêl nêzî çareyê bûne, feqet Lîberman nehiştiye û çare neçûye serî.

Wekî tê zanîn piştî qetlîama gemiya Marmarayê, hikûmeta Tirkiyê hinek şertê dabûn pêş Îsraîl ji bo lihevhatinê. Ew ê Îsraîl ji Tirkiyê uzir bixwesta, ambargoya li Ğezzeyê rakira û hinek şertên din. Feqet siyonîst Îsraîl tu şert neanî cî. Niha jî di pey deriyan de hevdîtin pêk tên. Eşkere bû ku hikûmet dixwaze bi Îsraîl re têkiliyên xwe normal bike.

Li ser vê hewl û ğeyreta normalkirina têkiliyan û hevdîtinan, tê pirsîn bê ka gelo siyonîst Îsraîl, çi xwestina Tirkiyê aniye cî û Tirkiye ji Îsraîl çi bidest xistiye ku pê re hevdîtinan pêk tîne.