Partiya Doza Azad Huda Par, li ser hadîseyên ku do li zanîngeha Dîcleyê qewimîn beyanatek weşand. Her kesî gazî eqlêselimiyê kir ku ji tevgerên provokatîf re nebin alet.

Di beyanatê de wiha hat gotin “Divê li zanîngehan fikra azad hakim be, fikir hur karibin bên niqaşkirin. Ji çalakiyan re tehemmul neyê nîşandan, li kesên belavgerên afîş û dawetnameyan êrîş bê kirin, nayê qebûlkirin. Kesên netehemmulkarên wiha, divê rêz û hurmetê nîşanî kesê din bidin, xwe ji tevgerên provokatîf biparêzin. Em her dû alîyan gazî bal eqlêselîmiyê dikin. Pevçûn tenê faydê dide şebekên kûr û xerab. Divê her kes hay ji mesûliyeta xwe hebin.”

Wekî tê zanîn, do hinek mensûbên klûba Bîlgeyê, bi munasebeta salvegera wîladeta pêxemberê me, ji bo konferansa bi navê “Miellimê minî Tewhîdê yê rêberê azadî û rizgariyê”, li zanîngeha Dîcleyê li dar bixe, li zanîngehê afîş û dawetname belavkiribûn. Lê hinek alîgirên PKK û BDPê, gotibûn “Ev der di bin kontrola me de ye, bê îzna me hun nikarin tu çalakiyê li dar bixin” û êrîşî mensûbên Bîlgeyê kiribûn. Dûre hadîse gûr bûbû. Çend kes sivik birîndar bûbûn. bangaheq