Serokê Bajarê Rihayê yê HUDA PARê Faruk Polat wiha got: "Emê wek HUDA PAR vê hefteyê qala kêmasiyeke cidî ya Rihaya xwe ya bedew û qada mitîngê ya ku jê ra lazim e bikin. Bi taybetî piştî Tofana Eqsa û berxwedana Xezzeyê bajarê me wê îfadeya me bide. Me dît ku bajar û xelkê me derket kolanan. Lê mixabin hê jî qada me ya mitîngê zelal û bi rêkûpêk nîne. Serokkomarê me jî di axaftina xwe ya li bajarê me de behsa vê mijarê kir û bang li rayedaran kir. Demildest tevbigerin. Em dibînin ku her çiqas evqas dem derbas bûye jî gavên saxlem nehatine avêtin.”

"Trafîka bajarê me bi temamî hatiye girtin"

Polat got, "Rêxistina sivîl û partiyên siyasî yên hesas ên Rihaya me, ji bo bertekên xwe nîşan bidin û piştgiriyê bidin berxwedanê, xebatên gelekî baş kirin. Di vê pêvajoyê de me dît ku di meşên bi vî rengî, daxuyaniyên çapemeniyê û mîtîngan de trafîka bajarê me bi tevahî tê astengkirin, hemwelatî û esnafên me pir cidî pirsgirêkê dijîn. Em wek HUDA PARê diyar dikin ku em ê wekî gelê Rihayê her tim bibin piştgirê berxwedana birûmet a Xezzeyê. Piştî Qudsê ji bo wan bajarê herî girîng Riha ye ku ew van deran pîroz dibînin."

"Werin em beşdarî meşa ji bo Tofana Eqsayê bibin"

Herî dawî Polat banga mîtînga 17ê Kanûnê ya Yekşemê ji bo Xezzeyê jî kir û got, "Werin em beşdarî mîtînga ji bo Tofana Eqsayê ya ku em ê vê yekşemê li dar bixin. Em li benda we ne. Welatiyên me yên bi nirx, vê Yekşemê saet di 13.30 de li Parka Alî Şellî ber bi meşa Berxwedana Xezzeyê ve diçin." (ÎLKHA)