Qezeta Îngîlîz Financial Times, di salvegera dehan ya îşgalkirina Iraqê de analîzek weşand. Qezetê di analîza xwe de wiha diyar kir “Emrîka herbê qezenc kir, Îranê aştiyê qezenc kir, Tirkiye jî îhale qezenc kirin.”

Qezetê daneyên mûxabîrên xwe yên li Tirkiyê jî weşandin. Hinek ji wan ev in: Ji 2003an vir ve, îxracata Tirkiyê ya li Iraqê, her sal ji sedî 25 zêde bûye. Iraq piştî Elmanya, bazargeha Tirkiyê ya herî mezin e. Tirkiyê ji sedî 70 îxracata xwe, li herêma Kurdistanê rast dike. Şîrketên înşaatê yên Tirkiyê, par li ser projeya 3 û nîv milyar dolarî dixebitîn. Nêzî hezar kargêriyên Tirkiyê, li herêma Kurdistanê dixebitin.