Hê qetlî’amên li Myanmar li hember Musulmanen dewam dikin xebera qetlî’ameke nû jî ji Bangladeşa cîranê Myanmar hate. Ji welatê ku dengê medyayê hatiye birîn bidestxistina xeberan karekî gelek zor e.

Ji xwendekarên Bangladeşî yên ku li Tirkiyê dixweynin Muhammed Îkbal di derbarê welatê xwe de beyanata da rojnameya Doğruhaber. Îkbal beyan kir ku; li welatê wî qetlî’am tê kirin û hewl tê dayîn ku ev yek ji Dinyê bê veşartin. 

Îkbal, bi vî awayî peyivî: “Polîs û hêzên mudaxeleya lezgîn dor li meydanê girtin. Se’et 12ê şevê de ceryan hatin birîn û medya ku ji meydanê weşana zindî dikin ji meydanê hatin dûrkirin. Polîs di duduyê şevê de gule bi ser endamên Hîfazeta Îslamî yên ku meydanê neterikandibû ve reşand.  Ez bi gotinên kesên ku li wê meydanê bûne ji we re dibêjim, bi 20-25 wesayîtên çopê yên şaredariyê cesed ji meydanê tên komkirin û îtfaiye meydanê paqij dikin û weke ku tu tiştek li wir neqewimîbe didin nîşandan. Li gor ku me ji kesên li wêderê bûne sehkiriye di navbera 2500 û 3000î şehîd hene.” BANGAHEQ