Li Batmanê mînîbusa rêwiyan li ser kêlekê qelibî: 5 birîndar
Li Êlihê di qezayeke trafîkê de mînîbusa rêwiyan wergeriya û di encamê de 5 kes birîndar bûn.
Qeza, li ser rêya Êlih û Heskîfê, li çaterêya gundê Bilêyderê pêk hat.
Li gorî agahiyên hatine wergirtin, mînîbusa rêwiyan a bi plakaya 72 BE 106, ji ber ku şofêr kontrola dîreksiyonê winda kir, ji rê derket û wergeriya ser aliyekî.
Li ser agahdarkirina welatiyên ku qeza dîtin, tîmên tenduristiyê û cenderme sewqî cihê bûyerê hatin kirin.
5 kesên ku di qezayê de birîndar bûn, piştî midaxeleya yekem a li cihê bûyerê, bi ambulansan rakirin nexweşxaneyê.
Ji ber qezayê li herêmê ji bo demekê qerebalixiya trafîkê çêbû û derbarê bûyerê de lêkolîn hate destpêkirin.
Türkçe karakter kullanılmayan ve büyük harflerle yazılmış yorumlar onaylanmamaktadır.