Li gor xeberan hat gotin ku pîştî êrîşa li Bêşebabê,  mensûbên PKKê do bişev dîsa êrîşî navçeyê kirine.

Hat îfade kirin ku mensûbên PKKê bi roket û sîlehên otomatîk êrîşî, kozika Kûmtika eskeriyê kirine. Di navbera esker û PKKê de şer qewimiye. Wekî tê zanîn di êrîşa ewil de 10 esker hatibûn kuştin, 7 heb jî birîndar bûbûn.

Li ali din hat îddîa kirin ku kesên li Wêranşehrê hatine girtin, êrîşkerên hadîseya Foçayê ne. Li Wêranşehrê di kontrola rê de, yek kes hatibû kuştin 3 kes jî hatibûn girtin. Ji wan Ehmed Balê kuştî û Yûnûs Çîçekê girtî, hat îddîa kirin ku failê hadîseya Foçaya Îzmîrê ne. Li Foçayê êrîş li wesaîta eskeriyê hatibû kirin.