Li Diyarbekirê di Nexweşxaneya Nexweşiyên Jinan, Zayîn û Zarokan a ser bi Nexweşxaneya Perwerde û Lêkolînê ya Gazi Yaşargil de, hejmara kesên ku ji bo muayeneyê li benda rêzê ne nêzîkî bi sedan borî ye.

Di vê serdemê de ku ji ber guherîna demsalan enfeksiyonên riya bêhnstendinê ya jorîn ku wekî grîp û sermahiyê têne binavkirin gihîştine lûtkeyê, di servîsên lezgîn de qelebalixiyeke giran çêdibe. Li Diyarbekirê ku nifûsa wê nêzîkî 2 milyonî dibe, hejmara bijîşkên ku nexweşan muayene dikin tenê "2" ye.

Ji ber ku dawiya hefteyê ye û polîklînîk xizmetê nadin, nexweş û xizmên nexweşan ên ku tên servîsa lezgîn a Nexweşxaneya Nexweşiyên Jinan û Zarokan a ser bi Nexweşxaneya Perwerde û Lêkolînê ya Gazi Yaşargil a Diyarbekirê, ji ber qelebalixiya ku çêbûye di salonên li bendê rawestînê de tewra cihê rûniştinê jî nikarin bibînin.

Salona bendêmanê yê nexweşxaneyê ku li qadeke diyar a metrekareyan bi sedan nexweş li hev dicivin, ji bo nexweş û xizmên wan ne deriyê şîfayê ye, hema hema bûye navenda enfeksiyonê.

Nexweşên ku di demjimêrên zû yên sibehê de tên nexweşxaneyê û jimara rêzê digirin, li benda bangkirina 2 bijîşkên (doktor) ku ji bo muayeneya bi sedan kesî hatine wezîfedarkirin rawestiyane.

Bijîşk jî ji ber qelebalixiya ku çêbûye nikarin muayeneya nexweşan bi rengekî saxlem bimeşînin; ev rewşa ku nêzîkî li her nexweşxaneyekê tê dîtin dibe sedema berteka nexweş û xizmên wan.

Welatiyên Diyarbekirî diyar dikin ku bi taybetî di van serdemên ku rûdanên enfeksiyona grîpê pêk tên de, divê qelebalixiya li nexweşxaneyan berçav bê girtin û bijîşk werin tehsîskirin.