Xeberan diyar kir ku mensûbên PKKê li Gevera Colemêrgê, li beldeya Xirvatayê, saet di dehê şevê dê, êrîş birine ser belediyê û înşaata qereqolê. Di êrîşê de 3 karker birîndar bûn. Kesên birîndar rakirin nexweşxana Geverê. Rewşa yekî ğeddar e. Li ser hadîseyê operasyon dest pê bû.

Li Sîlopiya Şirnexê, di xeta boriya petrolê ya Kerkûk û Yûmûrtalikê de, şewat derket. Agir bişev bi xeta boriyê ketiye. Ji bo vemirandinê şewatê gelek wesaîtên îtfaiyê sewkî herêma hadîseyê bûn. Der heqê qewimîna şewatê de, agahî nehat dayîn.

Li aliyê din li Tavşanliya navçeya Kutahyayê jî, agir bi daristan ket. Şewat ber bi gundan ve belav dibe. Gundê Çayirolûk hatiye valakirin. Li gund 5 mal û 9 axur şewitîne. Xebatên ji bo vemirandina şewatê, didomin. Li navçeya Îneboluyê, şewata ku qewimî bû, hat tefandin. Di şewatê de 3 hektar arazî şewitî. (Ferman Çiyayî/Bangaheq)