Li Helebê şerê di navbera hêzên Esed û muxalîfan de bi şîddet dewam dike. Ordiya Esed bi top û havanan, bi teyare û helîkopteran bajarê Helebê bombardiman dike. Hat gotin ku muxalîfan bi îmkanê kêm, kesên birîndar radikin nexweşxanê derûdorê Helebê, ew jî jixwe ji gelek melzeme û îmkanan mehrûm in.

Li gor xeberan hat îddîa kirin ku di hukmê do rojan de, ji bajarê Helebê, nêzî 400 kesên birîndar hatin anîne Tirkiyê. Li Hatayê li nexweşxana tên tedawî kirin. Heleb nêzî sînorê Tirkiyê ye. Kesên ji pevçûnê direvin, nizanin ewê bi ku de birevin. Gelek cara berê xwe didin Tirkiyeyê. Heta niha hejmara multeciyên Sûriye yên li Tirkiyê dijîn, 45 hezarî derbas kiriye.

(Ferman Çiyayî/Bangaheq)