Serekê siyasî yê Hemasê Xalîd El Meş’el bi vîdeo konferansê tevlî merasîma cenazê bû. Xalîd Meş’el di merasîmê de ji Îsraîl re go: Min jî bikujin! Lewra şehîd kirina serekên me qeweta me zêdetir dike. We Cabirî kuşt, van kirinên xwe bidomînin, Meş’el û serekên din jî bikujin lê belê şehadeta her yek ji me wê me gavek din nêzî Qudsê bike."

Xalîd Meş’el di derbarê şehîdê Hemasê de go: “Ahmed El Caberî ne bi tenê serekekî Hemasê bû, serekê tevî Gelê Filistînê bû. Ji bo tesîskirina Leşkerên ‘Izzeddîn El Qessam gelek xebitî û roleke mezin girt ser xwe. Wek qehremanekî jiyana xwe dewam kir û wek qehremanekî şehîd bû."

Meş’el dîsa beyan kir ku: “Ahmed Caberî berî demeke kin bibû hecî û di ser Misirê de vegeriya bû Ğezzeyê.”

Di hêla dî de li gor xeberên ji Ğezzeyê tên îro bombeyek ketiye mala Serekwezîrê Filistîn Îsmaîl Heniye , lê ji ber bomba ketiye tu mirî û birîndar nîn in. www.bangaheq.net