Li herêmê komelên Îslamî û alîkariyê di xizmeta me’newiyat û alîkariyê de cîhek muhîm digrin. Ji ber vê yekê, ji teref millet ve tên teqdîrkirin.

Li Hênê ya navçeya Diyarbekir komeleke perwerdehî, çand, sihhet, alîkarî û piştevaniyê bi navê Îrşad-Derê hat sazkirin û bi dua hat vekirin.

Parêzer M. Huseyîn Yilmaz, Mela Ebdussamet Yalçin û Muzaffer Karavîl Xoce jî tevlî merasîma vebûnê bûn. Merasîm bi xwendina Quranê dest pê kir. Dûre parêzer Huseyîn Yilmaz xeber da. Li ser xizmet û ehemmiyeta komelbûniyê sekinî. Da zanîn ku di Îslamiyet û me’newiyet û alîkariya millet û civakê de tesîra komelên Îslamî zêde û mezine. Pey re Mela Ebdussemed bi Kurdî li ser wezîfa emrê bi qenciyê û men’a ji xerabiyê peyivî. Hêvî kir ku komel di xizmetê de muwaffaq bibe. Paşî Muzaffer Xoca dua kir. Merasîm bi dayîna xwarina mewlûdê bi dawî bû.

www.bangaheq.net