Salvegera şehadeta birayê ‘ezîz ‘Ubeydullahê Gewerî ye. Ev helbest dema min şehadeta birayê ‘ezîz sehkir ji dil herikî.

Şehadet e Şehadet

Şehadet e mekteba herî rind û mu’teber

Feqiyê vê mektebê daîm bûne muzaffer

Şehadet e roniya zilûmata li her derî

Meşreba Huseyna her şehadet e şehadet

Bira ‘Ûbeydullah jî feqiyê vê mektebê

Xwedî hîmmet û ğeyûr ew tîmsala edebê

Mucadelek pir bi hêz da ji bo Îslamyetê

Ajot ewî jî rêça şehadet e şehadet

Ew bû zahidê Gever, rengîne wek gulê zer

Li erda Kurdistanê bihn da wek misk û mawer

Rabû bi îxlas û ‘eşq, heta sazkir bi huner

Li Geverê mekteba şehadet e şehadet

Ewî hînkir feqiyê mekteba şehadetê

Cehd û sebat û ğeyret, mêrxasî û ‘izzetê

Xweste bike xwîna xwe xercek ji bo milletê

Da ku ew jî nasbikin şehadet e şehadet

Ebû Zerr û ‘Emmar e hogirê musteze’fa

Bi evînê wî danî dara her heq û mafa

Azadiya heqîqî nişanda wî bi wefa

Bi xwîna evîndaran şehadet e şehadet

Tu gihayî meqsedê birayê dostê merda

‘Alemê tevî naskir xayin û hem bêbexta

Xwedyê mafê milletê daîma Hîzba Xweda

De’w û şopa girtine şehadet e şehadet

Ma qê ewê heyfa te bimîne ğem nexwe qed

Ewê hilne bi heybet Hîzba Xwedayê ehed

Bi ‘îlm û xebatê hem hîdayeta xort û ged

Datînin gulên ku reng şehadet e şehadet

Muhammed Sebatî

BANGAHEQ