Lı Sînor Şer
Lı Ber Akçakaleyê Lı Hêla Sûrıye Ordî Û Muxalîf Şer Dıkın

Li gor xeberan hat îfade kirin ku li ber Akçakaleya Rûhayê, li hêla Sûriye li beldeya Telebyada bajarê Raqqayê, di navbera ordiya Esed û muxalîfan de şerrên şedîd diqewimin. Pevçûn bûn sebebê endîşeya hêla Tirkiye jî. Li Akçakaleyê li merkez û li gundên sînor, mekteb hatin tatîl kirin.

Xeberan diyar kir ku agirê şerên dinavbera hêzên Esed û muxalîfan de, pijiqî bajarê Raqqayê. Ev serê 3 rojan e ku li wir şer berdewam e. Ji bo deriyê sînorê bidest bixin, şer dijwar buye. Gulle û fîşengên pekiyan hêla Tirkiye, bûn sebebê birîndarbûna 3 kesan. Di pevçûnan de gelek kes hatine kuştin û birîndar bûne. Gelek kesên ku ji şer reviyan, sînor derbas kirin û hatin hêla Tirkiye.

Ji ber van pevçûnan, bi qirara perwerdehiya mîllî, li merkeza Akçakaleyê û li gundên sînor, mekteban rojekê tatîl kirin û hat îfade kirin ku şer dewam bike wê muddeta tatîlbûnê jî bê dirêjkirin.