Li Şirnexê 200 hafiz îcazetên xwe yên hafiztîyê girtin

200 hafiz û hafîzeyên ku li giştîyê Şirnexê hafiztîyên xwe qedandine di bernameya ku hat tertîpkirin de îcazetên xwe girtin.

Hat destnîşankirin ku ji 200 hafiz û hafîzeyên ku li navenda Şirnex, Cizîr û Sîlopîyê temamê Quranê hifz kirine re di Stada Cizîr Hamît Ozalpê de bernameyek hat tertîpkirin.

Huriye Mantıya Porf. Dr. Alîkara Serokê Karên Dîyanet di bernameyê de axavtinek kir û di axavtina xwe de daxwaz kir ku bila wan hafiz û hafîzeyan jîyanên xwe di bin sîya Quranê de derbas bikin û li axavtina xwe weha zêde kir: “Hun ji bona ku wan zarokên me Qurana Pîroz hînbibin û hifz bikin xebatek kir. Niha jî ji bona ku wê Quranê di jîyanên xwe de jîyan bikin cehdê bikin. Çîmkî Dînê me yê mûbîn ji me 3 tiştan dixwaze, ji wan yek xwendina quranê, ya duyemîn fêhmkirina Quranê û ya sêyemîn jî jîyankirina Quranê ye. Van zarokên me yên delal Quranê hifzkirin û niha jî dema fêhmkirin û jîyankirina Quranê hatîye. Bila Rebbê min wan ji rêya Quranê dûr neke. Qurana Pîroz ronahî ye. Qurana Pîroz rêberê jîyana me ye. Qurana Pîroz kitêba Xwedê ye. Pêxemberê me silat û silav li wî be weha dibêje, ‘Di dilê kê de ji Quranê ayetek tunebe wê kesê wek xanîyekê ku xira bûye ye.’ Em hemû Misilman bi jin û zilam mesulê hînbûn û hifzkirina Quranê û jîyankirina wek Quranê ne. Qurana pîroz kitêbeke wek wisaye ku ji hemû Misilmanên pîrek û zilaman re hatîye şîyandin. Quran kelama Xwedê ye, Quran benê Xwedê yê ku sipîsax e. Kê ku bi şidandî bi wê benê bigre wê kesê ew ê rêya xwe şaş neke. Quran rêya ku ew ê me bibe cinnetê ye.”