Pey ku pevçûna li Sûrîye hat ber sînorê Tirkiyê, li gundê Murşîtpinar a bi qeza Sûrûcê ve girêdayî tedbîrên ewlehiyê hatin zêdekirin. Ji camiyê û wasîteyên ‘eskerî hat anons kirin ku xelq gund terk bikin.

Hat beyan kirin ku li Herêma ‘Eyn-ul ‘Ereb a bi bajarê Helebê ve girêdayîye muxalif û hêzên Esed ji bo şer û pevçûnê amadehiyan dikin. Ev yek di xelqê gundên nêzî sînor de bû sedemê tirsê.

Pey ku rayedaran di vê derbarê me’lûmatan wergirtin, ji bo ewlehiyê qerar hat dayîn ku gundên nêzî sînor bên vala kirin. Ji bo xelq gund valakin ji camiyê û wasîteyên ‘eskerî anons hatin kirin.

Gundê Murşîtpinara ku 50 xaneye û du gundên din pey anonsan têne valakirin. Gundî diçin merkeza Ruha û Sûrûcê ba ‘eqrebayên xwe.

Di hêla dî de gelek wasîteyên bi zirx hatin şandin herêmê û li ser sînor xendek û mewzî têne kolandin. www.bangaheq.net