Malikî, bi minasebeta roja jinan a dinyê, li Beğdayê di çalakiyekê de xeberda. Malîkî go: “ Divê ku polîtîkavan û çalakvanên bi ‘eql, krîza ku welat tê de ye sivik nebînin û hişyar bin, an na heger ku şerekî navxwe derkeve tacirên herbê jî tê de wê tu kes xilas nebe. “

Malikî xeberdana xwe wisa domande: “Divê xwestekên çalakvanan li ser kêmasiya xizmet û mijara tezmînatê ku ji dema polîtîkayên rejima Seddam  mane be. Divê xwestekên meşrû bên bicîanîn û xwestekên ne meşrû jî neyên qebûl kirin.”

Malîkî dîsa go: “Ji bo rakirina neheqî û bê ‘edaletiya li nav welat divê saziyeke bi navê: “Dîwana Hukumetê” bê sazkirin. Ji bo ku xwestekên çalakvanan bicîbên wê komîsyoneke bi serekatiya alîkarê serekwezîr Huseyîn Şehrîstanî bê sazkirin, ev komîsyon wê bibe bizrê vê “Dîwana” han.