Hat ragihandin li Rihayê serwîsa ku karkerên zireatê vediguast û otomobîl li hev qelibîn, di encama qezaya ku pêk hat de 2 kes jiyana xwe ji dest dan  û 18 kes jî birîndar bûn.

Qeza di wextên şeveqê de li nêzî taxa Kisasê pêk hat. Li gor agahiyên ku hatine wergirtin  mînîbûsa bi plaqeya 63 DP 614 a ku ajokarê wê Atîlla Ateş bû û karkerên ku di serayê de dixebitîn  di nav de bûn bi otomobîla bi plaqeya 38 KV 746 re li hev qelibîn.

Di encama qezaya ku pêk hat de 2 kes jiyana xwe ji dest dan  û 18 kes jî birîndar bûn. Piştî ku bi qezayê hat bihîstin re  gelek ambûlans sewqî cihê bûyerê hatin kirin. Kesên birîndar bi ambûlansan hatin rakirin nexweşxanê.

Hat hînbûn  rewşa 3 karkeran giran e  û derbarê mijarê lêpirsîn hat destpêkirin.

ÎLKHA