Midûriya Koç û koçberan ya li bajarê Dihokê diyar kir ku heta niha zêdeyî 14 hezar multeciyên sûrî, gihiştine Dihokê.

Midûrê Koç û koçberan ya bajarê Dihokê Mihemed Ebdelah, wiha îfade kir "Qempa Domîz ya bajarê Dihokê, heta niha bêtirî 14 hezar multeciyên Sûrî ezibandine û derî ji bo hatina bêtir penaberan vekiriye."

Ebdelah eşkere kir ku rewşa qempê, li gor qempên din baş e. Ji wan re kon û elektrîk û av hatiye temînkirin û  ew niha amadekariyê dikin ku qempek din pêk bînin daku  bêtir multeciyan biezibînin.

Divê bê gotin ku Herêma Kurdistanê heta niha pêşwaziya zêdetirî 15 hezar multeciyên Sûrî kiriye, piraniya wan kurd in. Di eynî wextê de İraqê jî pêşwaziya 20 hezar multeciyan kiriye. (Ferman Çiyayî/Bangaheq)