Serekcimhûrê Misrê yê nû Muhammed Mursî ziyareta ‘umrê kir. Mursî dema ziyareta Ke’bê giriya. Van vîdeoyên Mursî di rûpelên malperên înternetê de rekorên tik kirinê şikandin.

Mursî ziyareta xwe a ‘ewil li Si’ûdî ‘Erebîstanê kir. Pey têkilî û munasebetên li Cîddeyê Mursî çû Medîna Munewwere. Mursî pey qebra şerîf a Resûlê Xweda ziyaret kir ji Si’ûdî ‘Erebîstanê bi bal Misrê ve bi rê ket.

Ev ziyareta Mursî pey serekcimhûr hat hilbijartin, ziyareta ‘ewil e. Ji ber ku bi erdên pîroz ve hatiye kirin ji alî gelek kesan ve me’nîdar tê qebûl kirin. Mursî di ziyareta xwe de bi Qral ‘Ebdullah re jî hevdîtinek kir.

Serekcimhûrê nû, dema ziyareta Beytullahê di nav cilên îhramê de limêj kir û bi girî du’a kir. Ev foto û vîdeoyên Mursî li ser înternetê gelek hatin temaşe kirin.

Li gor hatiye hîn kirin Mursî pey ziyareta erdên pîroz dê here civîna yekîtiya welatên ‘Efrîqa. Tê gotin ku ev ziyareta Mursî jî ji bo pirsgirêkên navbera dewletên ‘Efrîqa û Misrê bê çareser kirin dê gaveke girîng be.

(Muhammed Sebatî/Bangaheq)