Serekê teşkîlata Huda Parê yê bajarê Diyarbekirê Vedat Tûrgût da zanîn ku, do hinek kesên di taksiyeke sipî û camreş de, resmê alîkarên serekê partiyê Zekeriya Yapicioğlu û Necat Ozdemîr kişandine û reviyane. Turgut beyan kir ku, plaka wesayîtê dane emniyetê lê mixabin heta niha polîsan di heqê wan de tiştekî ji wan re negotiye.

Vedat Turgut beyan kir ku, li ser flaşa makîna fotoğrafê meselê ferq kirine, xwestine kesên di wesayîtê de nasbikin lê wesayît reviyaye. Plaka wesayîtê û kesên tê de ragihandine emniyetê, feqet emniyet heta niha tu agahî nedaye wan.

Li ser hadîseyê hat îfadekirin ku, polîs yan jî her kî be, ji dêleva ew ê rê li ber qetlîam û teqîna Reyhanliyê bigirin, radibin Huda Parê teqîb dikin. BANGAHEQ