Dîrektora giştî ya Rêxistina Koça Navneteweyî a Neteweyên Yekbûyî Emy Pope, îfade kir ku ji Nîsana 2023yan vir ve li Sudana ku pevçûn heye 7,7 milyon însan ji cîhê xwe bûne, wê bang li civaka navneteweyî kir ku bila xebatên xwe yên fînansmanê zêde bikin û ji bo sîvîlên li Sudanê ku ev bû 9 mehe mexdûrê herbê ne jî banga alîkarîyê kir.

Pope, destnîşan kir herba ku di navbera Hêzên Destek yê Lezgîn û artêşa Sudanê de heye sîvîlan mexdûr dike û dûre jî weha got, “Ji bona ku lazimatîya krîza ji cîhê xwe kirina li Sudanê bên temînkirin di nav koordîneyê de ji xebatan re lezgînî bê dayîn û lazimatîya herî mezin jî midexeleya însanî ya daîmî ye.”

Pope diyar kir ku ji van 7,7 milyon însanan 6 milyonê wan di nav welat de ji cîhê xwe bûne yên dinê jî koçê welatên cîran wek Çad, Sudana Başûr, Komarîya Efrîqaya Navîn û Lîbyayê kirine. (ÎLKHA)