Berî vê çend rojan li Silopiya Şirnexê wesayîta bi zirx a polêsan li malekê qelibî bû dîwara malê di ser 2 birayên bi navê Furkan Yildirim û Muhammed Yildirimê ku di mal de bûn de ketibû. Ji ber ketina dîwêr her du zarok jî jiyana xwe ji dest dabûn. Polêsê ku ji van mirinan re bûbû sedem hat girtin.

Serdozgeriya Komare yê Silopiyê  di derbarê mirina du birayên ku jiyana xwe ji dest dabûn de lêpirsîn vekir. Polêsê ku ajokarê panzerê bû û bûbû sedema mirina her 2 birayan ji teref Hakimtiya Cezaya Sulhê ya Silopiyê ve hat girtin.

Di daxuyaniya ku ji teref Serdozgeriya Komare yê Silopiyê  Mehmet Patlak ve hat dayîn de hat ragihandin lêpirsîna ku hatiye destpêkirin bi şikleke hesas tê birêvebirin.(ÎLKHA)