Seroka Komîsyona Hilbijartina Navend ya Rûsyayê Ella Pamfilova weha got, “Ji hilbijartina serok dewletê ku di 15-17 Adarê de hat lidarxistin re 87 milyon û 113 hezar û 127 kes beşdarî bûn. Yanê di welatê me de pileya hilbijartinê cara yekem e rekorê dişkîne. Ev tişt tu dem nebûbû; ev pile ji sedî 77,44 e.”

Pamfilova, ragihand ku ew ê encamên fermî yên hilbijartinê di 21ê Adarê roja Pêncşemê de bi daxuyanîya çapemenîyê îlan bikin.

Pamfilova ragihand ku ew ji hemû çavnêrên ku ji derveyê welat hatine re minnetar in.

Pamfilova, îfade kir ku nêzê 76 milyon dengdêr raya xwe ji Serokê Dewletê Pûtîn re dane, “75 milyon û 932 hezar û 111 dengdêr ji serokê mewcût re rayên xwe dane. Ev jî rekorekî ye. Di sala 2018an de hemû ray hatibûn jimartin û ji Vladîmîr Pûtîn re 56 milyon û 426 hezar û 399 ray hatibûn dayîn. Niha jî nêzê 76 milyon e.” (ÎLKHA)