Ev serê 3 mehan e ku petrol neqlî Ğezeyê nedihat kirin. Piştî ku îdara Misrê, emniyeta riya tankeran avakir, Qatarê dest bi neqliyata petrolê kir. Neqliyat di deriyê el Awce re tê kirin. Deriyê el Awce, li nîvgirava Sînayê di sînorê Misr û Îsraîlê de ye.

Hat gotin ku di hukmê hefteyekê de 17 tanker petrol neqlî Ğezzeyê kirine. Digel neqliyata petrolê, Qatarê li Ğezzeyê santraleke elektrîkê jî saz kiriye da ku pirsgirêkên elektrîkê hal bike.

Li aliyê din berdevkê serokcimhûrtiya Misrê Dr. Yasîr Elî da zanîn ku wê Misir Ğezzeyê bê alîkar nehêle. Îfade kir ji bo alîkariya li Ğezzeyê talîmata Muhammed Mûrsî heye.

Dr. Elî wiha diyar kir “Alîkariya Ğezzeyê wezîfa me ye. Ev alîkarî niha dewam dike, wê di pêş de jî bidome. Ev, şêl û tewra alema Îslamê ye. Ne mimkun e ku dewleta Misrê dev ji vê alîkariyê berde.” www.bangaheq.net