Parlementoya Îngîlîstanê, qetlî’ama Enfal a ku di dema Seddam de li hember Kurdan hatiye kirin wek awayê komkujiyê qebûl kir. Li ser vê yekê Serekwezîrê Herêma Kurdistanê Nêçîrvan Berzanî beyanatek da û kêfxweşiya wan a ji ber vê qerarê diyar kir.

Qerara di derbarê Netewekujiya di dema Seddam de li hember Kurdan hatibû kirin, bi raya tevî endamên parlementoyê hat qebûl kirin.

Di qerarê de hat diyar kirin ku; di sala 1988an de ji alî îdara Be’esê ve li hember Kurdan komkujî hatiye kirin. Di encama vê komkujiyê de 200 hezar Kurd hatine kuştin û ev yek netewekujiyek e.

Li ser vê qerara parlementoya Îngîlîstanê, Nêçîrvan Berzanî jî di derbarê vê qerarê de kêfxweşiya Kurdan beyan kir.

Berî vêga Swêd û Norweçê jî vê qetlî’amê wek komkujiyeke li hember Kurdan qebûl kiribû.

Îdara Be’esê di sala 1988an de komkujiyeke mezin li hember Kurdan dabû destpê kirin û di encama vê komkujiyê de 180 hezar Kurd hatibû qetlî’am kirin.