Rejîma terorê siyonîst Îsraîl, di 31ê Gulana 2010an de, di behra sipî de, di nav ava navnetewî de girtibû ser gemiya Mavî Marmarayê ya ku alîkarî dibirin Ğezzeyê, di wê êrîşê de 9 musluman qetil kiribûn, gelek kes jî birîndar kiribûn.

Weqfa IHHyê bi minasebeta salvegera qetlîama Mavî Marmarayê, bi amanca şehîdan bi bîr bîne, êrîşê telîn bike, bernameya bibîranînê ya ku du rojan dewam dike li dar dixe. Ji hundir û derveyê welêt, bi deh hezaran kes, di serî de jî merivên şehîdan, gaziyên gemiyê tevlî bernameyê dibin. Bername di gemiya Mavî Marmarayê de, di nehê şevê de dest pê dike û heta sibeha roja dîtir didome. Roja din jî, li camiya Fatîhê bi deh hezaran kes dicivin. Wê ji wir heta mezergeha şehîdan ya li Edîrnekapiyê meşek bê organîzekirin. Gelek saziyên sivîl, temsîlkarên heqên însanan û saziyan, rojnamevan, aktîvîstên xwemalî û ecnebî, sêwiyên Fîlîstînî, dostên Fîlîstînê tevlî bernameyan dibin. BANGAHEQ