Berî niha bi behane û hincetên tehliyên Hîzbûllah, li gelek bajaran li ber mensûbên komel û saziyên sivîl, operasyon hatibûn rastkirin. Gelek kes bêsûc hatibûn girtin û desteserkirin. Pirrê wan hatibûn berdan, ji wan hinek hatibûn berdan û mehkema wan dewam dikir.

Li bajarê Mêrsînê jî kesên ku serbestbûn û mehkema wan dewam dikir, do celseya mehkema wan ya ewil bû. Evan kesan derketin pêş hakimê mehkema nobetdar. Di nav wan de serekê Mustezef-Dera hatiye girtin ya şûba Mêrsînê Weysî Yûmlû û serekê şûba Tarsûsê Salih Demîr jî, 7 kes di celseya mehkema ceza giran a dehan a Edenê de hemî beraet bûn.

Piştî mudafaa bersûc û parêzerên wan, heyeta mehkemê der heqê heft kesên ku bi endamtiya rêxistinê û propagandaya wê dihate sûcdarkirin de, qirara beraetê da. Piştî celseyê ji parêzerên wan Cemal Çoban wiha beyan kir “Bi neheqî li sazî û komelên Îslamî operasyon hatibû kirin. Heyeta mehkemê qirarek rast da û vê neheqiyê rakir. Jixwe qirara dihat hêvîkirin jî ev bû.”  Weysî Yumlu û Salih Demîr jî dan zanîn ku medya di aleyhê wan de bi derewî propaganda dikir, hêzên emniyetê teşwîkî operasyona dikir. Hemdê Xweda, bi vê qirarê van neheqî hatine rakirin. (bangaheq)