Wekî tê zanîn îro doza 12 Îlonê dewam kir. Mehkeme li hêviya raporê bû. Rapor ji tiba edlî hat. Di rapora tiba edlî de, wiha hat gotin "Talûka heyatî ya Kenan Evren û Tahsîn Şahînkaya hene. Nikarin beşdarî celseyê bibin. Bi ekîbên sihhetê re werin jî, dibe ku mudaxile têrê neke."

Li ser vê raporê, mehkema cezaya giran ya 12an ya Enqerê, qirar da ku Evren û Şahînkaya, sewkî nexweşxana bibin  daku bê fêm kirin gelo her dû bersûc bi ekîbên sihhetê werin mehkemê, wê ji bo wan talûka heyatî hebe an na. Mehkeme taloqî 14ê Îlonê bû.

Her wekî tê zanîn, di derbeya 12 Îlonê de, mexdûrên di bin çav û îşkenca de, di bin hepsan de, ne rapor û ne jî diktor didîtin. (Ferman Çiyayî/Bangaheq)