Teşkîlata xebatê ya navnetewî ÎLOyê, bi minasebeta roja micadela bi karkertiya zarokan re, raporekê weşand. Di raporê de bal hat kişandin ku li seranserê dinyê 10 milyon zarok mîna koleyan tên xebitandin.

Li gorî raporê zêdetirî 10 milyon zarokên di bin 14 salî re, di xebata karên baqijî, metbex, baxçevanî, avdanî, nêrîna yextiyar û kesên ji xwe biçûktir de tên mecbûrî kirin. Ev zarok bi piranî belaş tên xebitandin, di şertên bin standardan de tên şuxilandin û tehsîlê jî nabînin.

Teşkîlata xebatê beyan kir ku, bi amanca rê li ber vê rewşê bê girtin, divê qanûnên navnetewî hebin. Karkertiya zarokan li welatên feqîr zêdetir e. Hinek ji bo alîkariya malbata xwe dixebitin, hinek jî ji aliyê qeçexvanên însanan ve tên şuxilandin. BANGAHEQ