Rejîma sîyonîst li Xezzeyê ji 100î zêdetir alim û akademîsyen şehîd kirin
Ofîsa Medyayê ya Hikûmetê ya li Xezzeyê ragihand ku dagirkeran di êrîşa xwe ya 8 mehan a li ser Xezzeyê de zêdetirî 100 zanyar, akademîsyen, mamosteyên zanîngehê û lêkolîner qetil kirine.
Ofîsê lîsteyek ji navên şehîdan belav kir, ku di nav wan de Sufyan Taye Rektorê Zanîngeha Îslamî ya Xezzeyê, Mîthat Seydamê tixtorê herî navdar ên Xezayê û wezîrê berê yê perwerdeyê Usame El-Muzeynî jî hebû.
Ofîsa Ragihandinê ya Hikûmetê bal kişand ser vê yekê ku hedefgirtina vê koma bijarte di civaka Filistînê de, hewla siyonîstên îşxalker ên ji bo jinavbirina tam a zanyar û lêkolîneran piştrast dike û bal kişand ser vê yekê ku di heman heyamê de ji ber bomberdûmana îşxalkeran zêdetirî 103 zanîngeh û xwendingeh bi temamî hatin rûxandin û 311 jî qismî wêran bûn.
Ofîsê bang li zanîngeh û civata perwerdehiyê li hemû welatên cîhanê kir ku cinayetên ku wan beşeke ji tawanên jenosîdê ne, şermezar bikin û rêjîma sîyonîst û rêveberiya Emerîkayê ji van cinayetên ku wek cinayet bi nav kirin, berpirsyar dîtin. (ÎLKHA)
Türkçe karakter kullanılmayan ve büyük harflerle yazılmış yorumlar onaylanmamaktadır.