Gengeşiya di navbera herêma Kurdistan û îdara İraqê de berdewam e. Li gor xeberên herêmê her dû alî jî esker û techîzatan sewkî sînorên herêmê dikin. Hat îfade kirin ku serokê herêmê Mesûd Barzanî, emir daye hêzên pêşmerge ku gava hêzên Dîcleya îdara İraqê têkevin Kerkûkê, dikarin êrîşî wan bikin. Tanq û zirxiyên pêşmergeyan sewkî Dûzxormatûyê dibin.Hêzên pêşmerge li bakura Kerkûkê bicîh bûne.

Serokê herêma Kurdistanê Mesûd Barzanî, der heqê vê gengeşiyê de wiha got “Kurd ji bo morkirina girêbestên çekan, ji ordiya İraqê natirsin lê belê, ji zihniyeta ko li pişt wan çekan e ditirsin. Mesele ne pirseke şexsî ye ku ez tenê pê rabim, mesele miletekî eleqe dike û nikarim çavê xwe jê re bigrim. Netîce çi dibe bila bibe, em ji ya xwe nayên xwar û divê hêza Dîcleyê bê hilweşandin.”

Ji bo daxistina tansiyona di navbera wan de, teşebbus tên kirin. Lê tansiyon hê germ e. Hêla herêmê diyar dike ku Malikî dixwaze petrola herêmê têxe bin kontrola xwe. Malikî jî îddîa dike ku dixwaze emniyeta bajarên Kerkûk, Diyala û Selaheddînê pêk bîne. www.bangaheq.net