Wezareta Tendirustîyê ya Filistînê do encamên “Meşa Mezin a Vegerê” ya ku di 30 yê Adarê de hatibû destpêkirin de daxuyanîyek da. Di daxuyanîyê de hat îfadekirin ku 112 Filistînî ji teref çeteyên sîyonîst ve hatine şehîdkirin û derdora 13 hezar kesî ji bûnin hedefa sîyonîstên îşxalker û birîndar bûn in.
Di berdewama beyanatê de hat îfade kirin ku ji kesên birîndar 2 hezar û 96ê wan zarok, hezar û 29ê wan jî pîrek in. Li hêla din wezaretê îfade kir ku ji kesên birîndar rewşa 232 kesan giran û 32 birîndaran jî ji cesedê canê xwe tiştek winda kirin e û seqet man in.
Di beyanatê de hat îfade kirin ku di 14 Gulanê de ji teref çeteryên sîyonîst ve 65 Filistînî hatin şehîdkirin û di heman rojê de jî 2 hezar û 900 kes jî birîndar bûn.
Ji ber ku 30yê Adarê wek roja Axê li Filistînê tê yadkirin protestoyan dest pê kiribû û bi li Xezzeyê wek Meşa Mezin a Vegerê protesto û xwe pêşan dewam dikin.
Hereketa Berxwedana Îslamî Hamasê îfade kir ku heta Filistînî neghêjin mafên xwe dê Meşa Mezin a Vegerê dewam bike. (ÎLKHA)