Li gor xeberan ji ordiya Esed veqetîn dewam dike. Berî niha tuğgeneral Mustafa Tlas ji ordiyê qetiyabû û çûbû Erebîstanê. Hat îddîa kirin ku ji mal û merivên Tlasê 45 sûbay ji ordiya Esed qetiyane. Di nav wan de qomandarên tuğayekê Suheyr Tlas û Ramî Tlas jî hene. Hat îddîa kirin ku van kesan tevlî muxalîfan bûne. Tê gotin ku tuğgeneralek û 11 sûbayên pê re, do bişev derbasî Tirkiye bûne.
Li gor xebera AFPê jî hat îddîa kirin ku ordiya azad a Sûriye di navbera Heleb û sînorê Tirkiye de, devera Anadana stratejîk bidestxistiye.Der heqê hakimiyeta li herêma Selahaddînê, xeberên nakokî tên gotin.
Li aliyê din, sewkiyata eskeriya Tirkiye bi bal sînorê Sûriye ve, dewam dike. Ji İntabê konvoya ku muhîmmat û esker hilgirtiye û wê li sînorê Kîlîsê bicîh bibe, derket rê. Berî niha bataryayên fuzeyên Stînger, li sînor hatibûn bicîhkirin. (Ferman Çiyayî/Bangaheq)