Amed de çarçewaya têkoşinê vera hişberî de operasyonê ke tîmê polisî vıraştî de zaf maddeyê hişberî, silahê bêruxsat û fîşengî ameyî dîtene. Çarçewaya operasyonan de 104 gumanbarî ra 67î şawiyayî zîndan.

Müdüriyetê Emniyetî yê Bajarî - Şubeyê Têkoşinê Sucanê Narkotîkî seba ke verê guretene û firotene hişberî bigêro, bajar de aşma peyêne de xebatî vıraştî. Nê xebatan de 51 kîlo 347 gram skunk, 17 kîlo 707 gram esrar, 20 kîlo 749 gram metamfetamîn, 15 hezar û 745 mûyî kenevirî, 6 hezar û 832 hapê sentetîkî, 549 gram saqizê afyonî, 481 gram kokain û 182 hapê ecstasy ameyî tepşiyene.

Operasyonan de eynî wext de 6 tabancayê bêruxsatî, 6 tüfekê pompalıyî yê bêruxsatî û 133 fîşengî ameyî dîtene.

Çarçewaya xebatan de 104 gumanbarî ameyî sewqkerdene mercumanê edlî. Gumanbaran ra 17 kesî rê qerarê kontrolê edlî ame dayene, 67 kesî zî mehkemeya ke vejiyayî de ameyî girtene.