Hat ragihandin di 41emîn heftîya xwepêşanên Meşa Mezin a Vegerê de siyonîstên terorîst êrîşî Filistînîyan kirin. Di encama êrîşê de 15 Filistînî birîndar bûn.
Li gor agahîyên ku hatine wergirtin di bergeha Meşa Mezin a Vegerê de Mislimanên Filistînî xwepêşan li dar xistin. Siyonîstên terorîst û îşxalker bi çekan êrîş birin li ser Filistînîyên ku xwepêşan li dar dixistin. Di encama êrîşa çekdarî ya siyonîstan de 15 Mislimanên Filistînî birîndar bûn.
Lijneya Tertîbê ya Meşa Mezin a Vegerê destnîşan kir ew ê heftîya were jî di bin sernava “Qerardarîya me dê dorpêçê bişkîne” xwepêşanan tertîp bikin.
Derbarê mijarê de ji teref Wezareta Tenduristîyê ve daxuyanîyek hat belavkirin. Di daxuyanîya ku hat belavkirin de hat diyarkirin di encama êrîşa siyonîstan de 15 Filistînî birîndar bûn ku di nav birîndaran de 2 doxtor jî hene.
ÎLKHA