Gelê Diyarbekirê ji bo ku terawîha ewil a meha remezana ku meha rehmet û bereketê ye eda bikin berê xwe dan mizgeftan. Diyarbekirîyên ku bi dengê azana şerîf hatin Mizgefta Mezin a Diyarbekirê piştî ku nimêja eşayê eda kirin re dest bi terewîhan kirin.
Welatîyên ku hatin mizgeftê û îbadetên xwe û nimêja xwe ya terawîhan kirin derbarê girîngîya rojê de wiha axivîn:
Ekrem Taş: Divê hemû kes manewîyeta meha remezanê hîs bike. Ez bi vê şewqê ew qas rê hatim. Divê ummet bibe yek.
Salih Kaya: Xweda bike nesîp ku em di vê mehê pak û tahir bibin.
Muhammed Îbrahîm Boru: Ez ê dia bikim da ku Xweda ji temamê Mislimanan re bibe alîkar. Ji ber ku Xweda ji me re ferman kiriye em îbadet dikin. 11 mehan me xwar û vexwar û niha jî me ê rojîyê bigirin.”
Mehmet Çakir: Hemd ji Xweda re be kir nesîbê me em bigihijin vê remezanê. Nêzî 11 mehan bedena me xurak distand; lê belê ew ê di vê meha remezanê de rûhê me xurekê bistîne. Hemd ji Xweda re em bi vê yekê zêdetir nêzî Wî dibin. Ev yek lutfekî mezin a Xwedê ye. Em ê heta ji destên me bê îbadetên xwe bikin û rojîya xwe bigirin.”
Kiymet Akdemîr: Bila ev remezan bibe wesîle ku aramî, hizûr, bextewarî li welatên Îslamî hakim bibe.
ÎLKHA