Tallal Nasarê Lêkolîn û Analîsta Siyasetê derbarê xwepêşandanên “Îna Şikandina Qedexeyan” ên li Filistînê de ji ÎLKHAyê nirxandinan kir.
Tallal di daxuyanîya ku da ÎLKHAyê de qala armanc û hedefa xwepêşanên ku tên lidarxistin kir û wiha axivî: “ Armanca van xwepêşanên ku li Filistînê hatin destpêkirin şikandina qedexeyan e. Pêwîst ew qedexe û dorpêça ku ji teref siyonîstên îşxalker û ew xaînên ku terefdarên wan in ve hatiye kirin, demildest bê rakirin. Em dibêjin, ev xwepêşanên ku tên lidarxistin, ew xwînên ku di vê oxirê de tên rijandin û ew keda kesên ku ji bo doza Filistînê şehîd bûne bi avê de neçe. Xelkê Filistînê meş û xwepêşanên xwe didomîne. Heta ku dorpêç bê rakirin û mafê vegerê bê bidestxistin ew ê xwepêşan û micadeleya me berdewam bike.”
Tallal di berdewama axavtina xwe de Ayeta 51emîn a Sûreya Îsrayê di bîran xist û got: “Ew ê Fîlîstîn a Fîlîstînîyan be, ew e bi tu pereyan neyê firotin. Hezkirina welêt îman e. Parastina wê bi Xweda re ticaretek e. Ey ewladên ummetê, ez bang li we dikim, werim em pêkve di vê rêyê de bimeşin. An em ê di vê oxirê de şehîd bibin an jî em ê muzaffer bibim.”
ÎLKHA