Girtina komela Mustezef-Der û ceza birîna li diya Şuheda Çevîk, li gelek bajar û navçeyan, bi beyenata medyayî ve, hatin şermezar kirin.
Gullu Çevîka diya Şuheda Çevîk, ji bo sernixumandina qîza xwe, du sal û deh meh ceza girtibû. Ceza birîna li diya Gullu Çevîk û girtina komela Mustezef-Der, li İntabê, Edenê, Batmanê, Mêrdînê, Rihayê, Diyarbekir, Mûş, Bîngola Çabakçûr, Wanê, Stenbol, Bûrsa, Mêrsînê, Elezîz, Şirnex û li navçeyên wan, bi panqart û tekbîra, bi xwendina beyanata medyayî hat şermezar kirin. Van ptotestoyan, piştî limêja cum’ê, li ba gelek camiyan û li meydana hatin li dar xistin. Li Diyarbekir li ba heft camiyan, li Batmanê li ba çar camiyan beyanata medyayî hat xwendin. Îro jî, li Batmanê û hinek deverên din, protesto û xwendina beyanata medyayî ligel xelq, hat li dar xistin.
Sibê jî, ji bo protestoya qirara girtina Mustezef-Der û ceza birîna li Gullu Çevîk, li Diyarbekir li meydana mewlûdê, wê mîtîngek bê li dar xistin. Hat diyar kirin ku hemî amadehiyên mîtîngê bi lez tê kirin. (Ferman Çiyayî/Bangaheq)