Rapora Vegera Paş de ya 2026an ku ji aliyê goşara bijîşkî ya navneteweyî Lancetê ve hat weşandin, derxist holê ku bandorên guherîna avhewayê yên li ser tenduristiya mirovan di salên dawîn de bi awayekî dramatîk zêde bûne. Di raporê de hat vurxuyandin ku germahiya bilind dibe, hişkesalî û bûyerên hewayî yên dijwar êdî veguherîne rewşeke acil a tenduristiyê ya cîhanî.
Li gorî raporê ku bi tevkariya 146 lêkolînerên ji zêdetirî 100 saziyan hat amadekirin, di heyama 2016-2023yan de germahiyên dijwar salane bi navînî bûne sedema mirina zêdetirî 540 hezar kesî. Hat diyar kirin ku tenê di sala 2023yan de windahiyên jiyanê yên bi germahiyê re têkildar nêzî 710 hezarî bûn.
Rêvebera Cîbicîkar a Raporên Vegera Paş de ya Lancetê Marina Romanello diyar kir ku bandorên guherîna avhewayê yên li ser tenduristiyê ji tedbîrên ku tên girtin bi leztir mezin dibin û got ku divê desthilatdariyên siyasî parastina tenduristiyê bikin pênşengî û girêdayiya bi sotemeniyên fosîlî re kêm bikin.
Di raporê de hat hesibandin ku di sala 2025an de ji ber germahiyên dijwar li seranserê cîhanê zêdetirî 1 trîlyon dolar zirar an jî windahiya dahata potansiyel çêbûye. Di heman demê de zêdetirî nîvê erdên li ser hişkatiyê bi kêmanî mehekê rastî hişkesaliya dijwar hatin. Tevî vê yekê, veberhênanên enerjiya paqij gihan 2,1 trîlyon dolarî, lê belê beşa sotemeniyên fosîlî di peydakirina enerjiya cîhanî de hêj jî li ser %80yî ye.
Pispor hişyariyê didin ku heke gavên ji bo kêmkirina belavbûna karbonê neyên lezkirin, barê li ser pergala tenduristiyê dikare di dehsalek paşîn de bi awayekî cidî zêde bibe û ev jî dikare bibe sedema krîzên nû yên mirovî.