Hewlêr iro bo ‘îniya emekdarya kurd li Sûriyê’ radibe ser pê

Mehmûd Erebo, ji AKnewsê re got, lêjneya civata niştimanî ya kurd a Sûriyê li Herêma Kurdistanê, dê sibê li Hewlêrê, çalakiyekî bo piştevaniya xwepêşandana roja îniyê ya Sûriyê li dar bixe.

Erebo, diyar kir, ji bilî piştevaniya şoreşa Sûriyê û mafên kurd, dê serhildana kurdên Sûriyê ya 2004ê li dijî reijîma Sûriyê jî bê bibîrxistin û da zanîn, 12ê adarê, lêjneya han, bo serhildana gelê kurd li Sûriyê dê 3 xwepêşandan li Hewlêr, Silêmanî û Duhokê saz bike.

Xwepêşander û neyarên rejîma Sûriyê, îro li ser malperên civakî yên înternetê, ragihandin, dê sibê xwepêşandanekî bi navê “Îniya emekdariyê bo serhildana kurd a sala 2004ê” li dar bixin.

Tê zanîn, li 12-13ê adara 2004ê, piraniya deverên kurdî yên Sûriyê li dijî êrişa hêzên ewlehiyê bo ser lîstikvan û temaşevanên kurd ên yariya fûtbolê li bajarê Qamîşlo xwepêşandan kiribûn û ji aliyê hêzên ewlehiyê ve hatibûn serkutkirin û di bûyeran de bi dehan kes hatibûn kuştin.

sm AKnews