Mehmet Yavuzê Serokê Giştî yê HUDA PARê di daxuyanîya ku belav kir de bang li welatên herêmê kir û daxwaz kir ku welatên li herêmê li dijî îşxalkerên siyonîst hêzên xwe bikin yek û pêwîst e ev welat destek û piştgirîyê bidin wan komên ku li dijî terorîstên siyonîst micadele dikin.
“Êdî zarûret e ku welatên Îslamî werin ba hev û bibin yek”
Yavuz di berdewama daxuyanîya ku belav kir destnîşan kir welatên li herêmê divê problemên xwe di nav xwe de hal bikin, xwedî li Qudsê derkevin û divê li ba birayên xwe yên Filistînî cî bigirin. Yavuz dû re wiha li axavtina xwe zêde kir: “ Divê li dijî siyonîstan vebijêrka leşkerî û tedbîrên pêwîst bên bikaranîn. Bo vê yekê êdî zarûretek çêbûye ku di serî de Tirkîye û Îran û çend welatên Îslamê yên ku ji siyonîzmê re teslîm nebûne, bêyî ku dor bê wan ji bo vebijêrkên leşkerî û tedbîrên pêwîst bên cem hevdû.”
Yavuz di dawîya axavtina xwe de diyar kir ew wek HUDA PAR bawer dikin ewlehîya Qudsê ewlehîya welêt e û dû re wiha li axavtina xwe zêde kir: “Pêwîst e welatên Îslamê, destek û piştgirîyê bidin wan komên ku li dijî terorîstên siyonîst micadele dikin.”
ÎLKHA