Li Bîngolê ji teref miftîtîya Bîngolê û Komeleya Alîkarî, Hûner, Çand û Perwerdehîyê yê Xortanîyê yê Selahaddîn Eyyûbî ve qursa Qur’anê hat vekirin û niha bi dehan xwendekar lê dersa Qur’ana Kerîm distînin. Li qursa ku hat vekirin bi hevkarîya miftîtîya Bîngolê û Komeleya Alîkarî, Hûner, Çand û Perwerdehîyê yê Xortanîyê yê Selahaddîn Eyyûbîyê ku li Bîngolê xebatan dike ji zarokên ku li qursa Qur’anê dersê distînin re Qur’ana Kerîm hat belavkirin.
Muhammed Fatîh Kartalê Serokê Komeleya Selahaddîn Eyyûbî derbarê mijarê de diyar kir “Di bergeha perwerdehîya Îslamî de li vê qursê dersên mîna; Qur’ana Kerîm, perwerdehîya zanistên Îslamî, adab, jiberkirina dia û sureyan tê dayîn.”
ÎLKHA