Temsîlkarîya Cizîyê ya Weqfa Kerwana Umûdê di heftîyên borî de ji bo kesên feqîr, jar û yetîm kermesek tertîp kiribû û ev kermes 2 rojan berdewam kiribû. Xelkê Cizîrê elqeyeke baş û zêde nîşanî kermesê da.
Ji teref Weqfa Kerwana Umûdê ya temsîlkarîya Cizîra Şirnexê ve bi dahatên ku ji kermesê hatin kolîyên xurekê hatin amadekirin û ev kolî ji kesên jar û feqîr û yetîm re hatin belavkirin.
Derbarê mijarê de Adar Aşutê Temsîlkarê Cizîrê yê Weqfa Kerwana Umûdê destnîşan kir ew ê xebatên wan ên alîkarîyê berdewam bikin.
Aşut di berdewama axavtina xwe de diyar kir ew di navbera xêrxwaz û kesên feqîr de dibin pir û dû re wiha li axavtina xwe zêde kir: “Em wek Weqfa Kerwana Umûdê ya temsîlkarîya Cizîra Şirnexê bi dahatên ku ji kermesê hatin kolîyên xurekê amade kir, niha ev kolî ji kesên jar û feqîr û yetîm re tên belavkirin. Xweda ji wan kesên ku ji vê xêrê re bûne wesîle razî be. Li Cizîrê gelek kesên feqîr û mûxtac hene. Bi vê wesîlê em ji temamê kesên ku keda wan di kermesê de heye re teşekur dikin.”
ÎLKHA